Қазақстан Республикасының Президенті Қасым-Жомарт Кемелұлы Тоқаевтың бастамасымен 2026 жыл «Цифрландыру және жасанды интеллект жылы» деп жарияланды.

Қазақстан Республикасының Президенті Қасым-Жомарт Кемелұлы Тоқаевтың бастамасымен 2026 жыл «Цифрландыру және жасанды интеллект жылы» деп жарияланды. Бұл бастама еліміздің білім беру жүйесін жаңғыртуға, заманауи технологияларды оқу-тәрбие процесіне тиімді енгізуге бағытталған маңызды қадам болып табылады.

Цифрландыру және жасанды интеллект білім беру саласында жаңа мүмкіндіктерге жол ашады. Атап айтқанда, оқу процесін автоматтандыру, білім алушылардың жеке қабілеттерін ескере отырып оқыту, цифрлық білім беру ресурстарын кеңінен пайдалану және қашықтан оқыту жүйелерін жетілдіру арқылы білім сапасын арттыруға мүмкіндік береді.

Сонымен қатар, жасанды интеллект технологиялары оқушылар мен студенттердің функционалдық сауаттылығын, сыни ойлауын және цифрлық құзыреттілігін дамытуға ықпал етеді. Бұл өз кезегінде болашақ мамандардың еңбек нарығында бәсекеге қабілетті болуына негіз қалайды.

Білім беру ұйымдары үшін бұл жыл – педагогтердің кәсіби дамуын жетілдіру, инновациялық әдіс-тәсілдерді меңгеру және білім беру үдерісін халықаралық стандарттарға сәйкестендіру кезеңі болмақ. Цифрлық білім – ел болашағының берік іргетасы.