1

Білім кешені  "Балдәурен " республикалық оқу-сауықтыру орталығы" РМҚК мекемесінің құрылымдық бөлімшесі болып табылады

Білім беру процесін ұйымдастыру ҚР Білім Министрлігі бекіткен оқу бағдарламаларының және жыл сайын жалпы орта білім алуды қамтамасыз ететін мекемелердің үлгілік оқу жоспарының негізінде әзірленетін оқу жоспарының негізінде жүзеге асырылады. Барлық қолданылатын бағдарламалар білім беру стандарттарына және нақты оқу пәні бойынша оқушылардың дайындық деңгейіне сәйкес келеді.

Ауысым бойы оқитын оқушылардың орташа саны 260 адамды құрайды. Сыныптардың толықтырылуы 18-19 оқушы. Оқушылардың негізгі жасы  7-8  сынып оқушылары (11-16 жас).

Мектеп 6 күндік оқу аптасы режимінде жұмыс істейді. Мектептегі сабақтар екі ауысымда өтеді.

Мектеп ұжымы-жоғары педагогикалық білімі бар 15 педагог жұмыс атқарады.

  • "Педагог-модератор" - 2
  • "Педагог-сарапшы – - 6
  • "Педагог-зерттеуші" – 1
  •  Магистр-1

Өскелең ұрпақтың білімі мен тәрбиесін дамытуға қосқан үлесі үшін марапатталған педагогтар:

  • ҚР Білім Министрлігінің құтықтау ашық  хаты -2
  • ҚР Білім министрлігінің құрмет грамотасы – 4
  • ҚР Білім және ғылым  министрлігінің дипломы – 2
  • ҚР Білім Министрлігінің Алғыс хаты - 1

"Балдәурен" оқу сауықтыру  мектебінде оқудың бірқатар ерекшеліктері бар:

сыныптар уақытша балалар бірлестігі болып табылады;

қысқа мерзімді оқу процесі (3 апта);

оқушылардың оқуға дайындығының әртүрлі деңгейі бар (жалпы білім беретін мектептердің, лицейлердің, гимназиялардың, мамандандырылған сыныптардың балалары);

үй тапсырмасынсыз оқыту.

Мектепте заманауи техникалық жабдықталған 6 оқу кабинеті бар.

Мектеп кабинеттері:

  • Ағылшын тілі кабинеті  (1 )
  • Информатика кабинеті    (1 )
  • Математика кабинеті        (1)
  • Биология кабинеті           (1)
  • Химия кабинеті      (1)
  • Физика кабинеті     (1)

 

Мектептен тыс жүргізілетін жұмыстар:

Мектептен тыс жұмыстардың негізгі түрлері пәндік апталар болып табылады, оның аясында ашық сабақтар, зияткерлік ойындар, ток-шоу, әдеби-музыкалық кештер, дөңгелек үстелдер, дебаттар және де өнер, мәдениет, спорт,ғылым саласының еңбек сіңірген қайраткерлерімен кездесулер өтеді. Іс-шараларды өткізудің әртүрлі формалары оқушылардың үлкен қызығушылығын тудырады, бұл олардың зияткерлік және шығармашылық әлеуетін жүзеге асыруға мүмкіндік береді.

Білім беру бағдарламасына енгізілген мектептің басты міндетін шешу үшін келесі жағдайлар жасалған:

  • оқу жоспары жасалды;
  • мектептің әдістемелік қызметінің құрылымы құрылды;
  • мектеп жұмысының тиімді шарттарының бірі – ЖББМ негізінде мониторинг енгізілді;
  • жас мұғалімдердің өнімді кәсіби қалыптасуына ықпал ету үшін "жас мұғалімдер мектебі" ұйымдастырылды;

Нәтижесінде жаңартылған білім беруді игерудің озық факторы ретіндегі критериалды бағалау құрылымы,заманауи сабақтың тиімділік критерийлері, қазіргі заман мектебінде оқыту формалары мен әдіс-тәсілдері, жас маманды өздігінен жетілдірудің тиімді жолдары тақырыбында сабақтар өтіледі.

Мектепті инновациялық тұрғыдан қолдау мақсатында көп тілділік бойынша ашық сабақтар, білім беруді жаңарту тәртібі бойынша ашық сабақтар, оқытудың жобалық тәсілі бойынша ашық сабақтар өтіледі.

Оқу процесіне жаңа білім беру технологияларын енгізу және педагогикалық тәжірибені тарату үшін нақты және практикалық материалдарды ұсыну мақсатында біліктілікті арттыру курстарынан өткен мұғалімдердің шығармашылық топтары жұмыс істейді.

Тиімді оқытуды дамыту және тәжірибе алмасу үшін қоғамдық-гуманитарлық, жаратылыстану-ғылыми бағыттар бойынша шығармашылық топтар жұмыс істейді.

Білім беру кешенінің мұғалімдері оқытуда игеру және практикаға енгізу деңгейінде жүзеге асырылатын инновациялық технологияларды белсенді пайдаланады.

Мұғалімдердің шығармашылық белсенділіктерін арттыру мақсатында «Заманауи сабақ-2021», «Үздік әдістемелік дидактикалық құрал», « Интернет –фестиваль», «Үздік авторлық бағдарлама -2021», «Үздік педагог» байқауы өткізіледі.

Жыл бойы ұстаздарымыз акт қолдану, деңгейлік саралау, ойын технологияларын қолдана отырып, түрлі әдіс-тәсілдерді пайдалу арқылы  үнемі ашық сабақтар өткізеді.

Жыл сайын мұғалімдер халықаралық, республикалық ғылыми-практикалық конференцияларға, конкурстарға, семинарларға белсенді қатысып қана қоймай, сонымен қатар осы іс-шараларды өткізудің бастамашылары болып табылады.

 

Біздің серіктестер

banner
banner
banner